Dori vositalarining assortimenti, avvalambor, mijozlar ehtiyojidan kelib chiqqan holda shakllantiriladi. Biz faqat talab qilinadigan mahsulotlarni sotib olamiz. Assortimentni shakllantirishda dorixonalarning dori vositalariga bo‘lgan ehtiyojlari to‘g‘risidagi savdo bo‘limining ma’lumotlaridan, shuningdek, marketing bo‘limining dori vositalari haqidagi ma’lumotlaridan foydalanamiz.

Kompaniyamiz yaxshi obro‘ga ega taniqli dorilar bilan ham, istiqbolli yangi dorilar bilan ham ishlashga intiladi. Farmatsevtika bozorida yangi turdagi mahsulotlar doimiy ravishda paydo bo‘ladi, ular bilan ishlash biz va mijozlarimizga bozor bilan birgalikda rivojlanish, iste’molchilarga yanada zamonaviy va sifatli mahsulotlarni taklif qilish imkonini beradi. Yangilik talabga javob berishi yoki bermasligini to‘g‘ri baholash faoliyatimizning muhim jihatlaridan biri. Albatta, yangi mahsulot bilan ishlash ma’lum xavflar bilan bevosita bog‘liq, ammo biz sifatli mahsulotlar ishlab chiqarish bilan bir qatorda, ularni bozorga muvaffaqiyat bilan tadbiq eta oladigan ishlab chiqaruvchilar bilan hamkorlik qilishga intilamiz.

Milliy sog‘liqni saqlashning innovatsion yo‘nalishini rivojlantirish "ASTOR ALLIANCE" MChJ kompaniyasining ustuvor yo‘nalish sifatida tanlangan, shuning uchun faqatgina yuqori sifatli mahsulot ishlab chiqaruvchi korxonalar bilan aloqa o‘rnatib kelmoqdamiz. Kompaniya barcha ro‘yxatga olish guvohnomalari va sertifikatlarga ega, shuning uchun yetkazib berilayotgan mahsulotlar sifati uchun javobgarlikni o‘z zimmamizga olamiz. Hozirgi kunda korxonamiz tibbiyot mahsulotlari bozorida talabni faol ravishda shakllantirish, hamkorlarimiz bilan birgalikda yangi texnologiyalarni targ‘ib qilishni ta’minlash va O‘zbekistonda sog‘liqni saqlashga jahon tajribasini jalb qilishga hissa qo‘shib kelmoqda.